GALATIA 6:1-2 — Unaute u, mi, sual eng pawh a tih lai phâwkin awm sela, nangni thlarau mite u, “Thlêmna ka tâwk ve dah ang e,” tia invêng ṭha chungin chutiang mi chu thuhnuairawlh takin tungding leh rawh u. In rit phurhte chu inchhâwk tawn rawh u; chutichuan, Krista dân thu chu in zâwm a ni ang.

1 PETERA 5:7 — Anin a ngaihsak ṭhin che u avângin, in manganna zawng zawng ama chungah nghat vek rawh u.

EPHESI 6:17 — Tin, Chhandamna lukhum leh Thlarau ngûnhnâm (Pathian Thu chu) la ula.

KOLOSSA 3:20 — Naupangte u, engkimah in nu leh in pate thu zâwm rawh u, chu chu Lalpaah chuan a lâwmawm si a.

EPHESI 6:16 — Chûng lo pawh chu rinna phaw la ula, chu chuan mi sual thal alh thei zawng zawng chu in timit thei ang.