JOHANA 6:8-9 — Tin, a zirtîrte zînga pakhat, Simon Petera unau Andria chuan a hnênah, “Barli chhangpêr panga leh sangha pahnih nei mipa naupang pakhat hetah a awm; nimahsela, mi hêng zozai zîngah hian chûng chu eng tham nge ni ang?” a ti a.

SAM 139:16 — Ka rîruang la famkim lo chu i mitin a hmu a, I lehkhabuah chuan ka pêngte zawng zawng hi ziak vek a ni a, A ni têla siamin a awm zêl a, A pakhat mah la awm hmain.

MATTHAIA 11:28-30 — “Nangni thawk rim leh phurrit phur zawng zawngte u, ka hnênah lo kal ula, keiman ka chawlhtîr ang che u. Ka nghâwngkawl bât ula, ka hnênah zir rawh u; thuhnuairawlh leh rilrua inngaitlâwm tak ka nih hi; tichuan, in thlarau tân chawlhna in hmu ang. Ka nghâwngkawl chu a nuam a, ka phur pawh a zâng a ni,” a ti a.

EXODUS 1:15-16 — Tin, Aigupta lal chuan Hebrai nau chhar mite chu a bia a, chu mite chu pakhata hming Siphraii a ni a; tin, pakhata hming chu Puaii a ni a: an hnênah chuan, “Hebrai hmeichhiate nau hrinna hmuna nau in chhar hunin, mipa fa a nih chuan tihlum zêl ang che u; hmeichhia a nih erawh chuan zuah tûr a ni,” a ti a.

1 LALTE 17:13 — Tin, Elijan a hnênah, “Hlau suh; i sawi ang chuan va ti ta che; amaherawhchu, chumi chuan chhang tê tak tê mi han siamsak phawt la, chu chu mi rawn lâk la, chumi zawhah chuan i tân leh i fapa tân i la siam dâwn nia.