MATHAIA 19:14 — Isua erawh chuan, “Naupangte ka hnênah han kaltîr ula, hnar suh u; vânram chu hêng ang mite ta hi a ni si a,” a ti a.

1 SAMUELA 25:23-24 — Tin, Abigaili chuan Davida a hmuh chuan a sabengtung ata chu a chhuk thuai a, Davida hmaah chuan a hmaia lei siin chibai a bûk a. Tin, a ke bulah chuan a bawkkhup a, “Keiman, ka pu, keimah ngeiin khawlohna chu ka hlawh mai ang e. Tin, i chhiahhlawhnu hian i beng hriatah thu sawi sela, i chhiahhlawhnu thusawi chu khawngaih takin ngaihthlâksak ang che".

FILIPI 3:17 — Unaute u, ka awm dân hi zir zêl rawh u. Entawn tûr keini min nei a, kan awm dân anga awmte chu en berah neih rawh u.

THUFINGTE 12:1 — Thununna ngaina mi chuan hriatna a ngaina ṭhîn a, Zilhhauna haw mi erawh chu ramsa ang mai a ni.

2 KORINTH 7:10 — Pathian duhzâwng anga lungngaihna hian chhandamna tûra simna a thlen a, inchhîrawm lo tak a ni. Mihring taka lungngaihna erawh chuan thihna a thlen ṭhîn a ni.