EPHESI 4:25 — Chutichuan, dâwt sawi bânin, mahni ṭhenawm hnênah thu dik tak sawi ṭheuh rawh u; inpêng tawn ṭheuh kan ni si a.

SAM 40:3 — Hla thar ka kâah a dah ta bawk a, kan Pathian fakna chu; Mi tam takin chûng chu an hmu ang a, an hlau vang a, Lalpa chu an ring tawh ang.

DEUTERONOMY 19:14 — Lalpa in Pathianin luah tûra a pêk che u ram, in luah tûr rama a hmaa an lo phun tawh in ṭhenawm ramri chu in sawn tûr a ni lo.

ROM 1:14-15 — Grik mite leh awze mite hnênah bat ka nei; mi fing leh mi fing lote hnênah pawh. Chutichuan, nangni Rom khuaa awmte hnênah pawh Chanchin Ṭha ka theihtâwpa hril tûrin ka inpeih reng a ni.

DEUTERONOMY 21:15-17 — “Miin nupui pahnih nei ang sela, pakhat chu duhin pakhat chu hua sela, a duha leh a huata chuan fa hrinsak ve ve sela; tin, fapa upa ber chu a huata fa ni sela, a ro neih chu a fapate a khâwmtîr hunah chuan a duh taka fapa chu a fapa upa, a huata fa aia uah a siam tûr a ni lo. Amaherawhchu, a huata fa, a fa upa ber chu a neih zawng zawnga chan hnih huiah a siam tûr a ni; a chakna bul a ni a, fa tîr nihna chu a pual a ni.