LUKA 21:34 — Amaherawhchu, fîmkhur rawh u; chuti lo chuan, ei puar lutuk nên, zu ruih nên, dam chhûng khawsak ngaihtuah nên, in rilru a khat lutuk hlauh ang a, chumi ni chuan thang âwk angin thâwklehkhatan in chungah a lo thleng phut ang.

MATHAIA 24:4-5 — Isuan a chhâng a, “Tu man an hruai bo loh nân che u fîmkhur rawh u. Ka hming chhâlin ‘Krista chu ka ni,’ tiin mi tam tak an lo chhuak dâwn si a, mi an hruai bo ṭeuh ṭeuh vang.

1 KORINTH 15:42-44 — Mitthi thawhlehna pawh chutiang bawk chu a ni ang. Ṭawih thei kha phûm a ni a, ṭawih thei lova kaihthawh a ni ang a, hmuhsitawm tak kha phûm a ni a, ropui taka kaihthawh a ni ang; chak lo tak kha phûm a ni a, thiltithei taka kaihthawh a ni ang. Kan phûm kha mihring lam taksa a ni a, kaihthawha awm tûr chu thlarau lam taksa a ni. Mihring lam taksa a awm chuan thlarau lam taksa pawh a awm ang.

LUKA 21:1-4 — Thawhlâwm bâwma mi hausate thawhlâwm thlâk chu a thlîr reng a. Hmeithai rethei tak pakhatin dâr pawisa pahnih a rawn thlâk ve chu a hmu a. Tichuan, “Thu dik ka hrilh a che u, he hmeithai rethei tak hian mi dang zawng ai khân a thlâk tam a ni. Mi dangte hi chuan an neih liama mi an rawn thlâk a, ani erawh hi chuan tlachham chungin, intunnunna tûra a neih chhun chu a rawn thlâk a nih hi,” a ti a.