Nang erawh chu i ṭawngṭai hunin, i pindan chhûng rilah lût la, kawng khâr la, i Pa, a rûka awm hnênah chuan ṭawngṭai rawh; tichuan, i Pa, a rûka hmu ṭhîntu chuan a rûl ang che. MATHAIA 6:6

Zion khuaa khawharte hnêm tûr leh An lungngaihna lâwma chantîr tûrin, Pawr taka awm intuaihnûm leh tûr te, Ngui taka awm fak hla saktîr leh tûr tein min tîr a ni. Lalpan amah chawimawi tûra a phun, Thing duhawm tak an ni tih thu hrilh tûr ka ni. ISAIA 61:3

Pe rawh u; tichuan, pêk in ni ang; ṭhahnemngai taka teh chhuaka, beng mukin, sâwi liam zawih zawih khawpin in ângchhûngah pêk in ni ang. Tehna in hman ngei khân tehsak in ni ang,” a ti a. LUKA 6:38

'‘Amah avângin kan nung, kan che, kan awm a ni si a,’ tia an sawi ang khân. Nangni zînga hla phuahtu ṭhenkhat pawhin, ‘Keini pawh a thlahte kan ni,’ tia an sawi ang kha a ni.' TIRHKOHTE 17:28

Vân khi lei aia sâng a ni ang khian, Ka awm dân hi in awm dân aia sâng a ni. Ka rilru pawh in rilru aia thûk a ni. ISAIA 55:9