LUKA 23:46 — Tin, Isua aw ring takin a au va, “Ka Pa, i kutah ka thlarau ka kawltîr e,” a ti a. Tin, chu chu a tih zawhin a thlarau a thlah ta a.

JOHANA 21:17 — A vawi thumnaah, “Nangin mi ngaina em?” a hnêna a tih avâng chuan Petera chu a lungngai a, a hnênah, “Lalpa, engkim i hria a, ka ngaina che tih i hria e,” a ti a.

JOHANA 19:30 — Tin, Isuan uain thûr chu a lo in zawh chuan, “A kin ta,” a ti a. Tin, a lu a kûn a, a thlarau a thlah ta a.

1 KORINTH 15:42b-43 — Ṭawih theia tuhin a awm a; ṭawih thei lova kaihthawhin a awm; chawimawi lohva tuhin a awm a, ropui taka kaihthawhin a awm; chak lova tuhin a awm a, thiltihtheihna neia kaihthawhin a awm.

JOHANA 19:28 — Chumi hnuah chuan Isuan thil engkim tûnah a kim tawh tih a hria a, Pathian Lehkha Thu kha a thlen nân, “Ka tui a hâl e,” a ti a.