JOHANA 7:37-38 — Tin, kût ṭiak dâwn ni, ni ropui berah chuan Isua a ding a, a au va, “Tu pawh a tuihâl chuan ka hnênah lo kal sela, in rawh se. Tu pawh mi ring chu, Pathian Lehkha sawi angin, tui nung luite a pumah a lo luang chhuak ang,” a ti a.

1 PETERA 3:9 — Sual sualin thungrûl suh ula, ânchhia pawh ânchhiaa thungrûl lovin, malsâwm hlauh zâwk rawh u; malsâwmna dawng tûrin asin Pathianin a koh che u.

1 SAMUELA 7:12,13a — Chutichuan, Samuela chuan lung a la a, Mizpe leh Sen inkârah chuan a phun a. “Hei leh chen hi Lalpan min pui a ni,” tiin, a hmingah chuan Ebenezer a vuah a. Chutichuan, Philistia mite chu an tlâwm ta a.

EFESI 5:2 — Kristan min hmangaiha, Pathian lâwmzâwng thilpêk leh thilhlan rimtui ni tûrin kan tân a inpe ang khân hmangaihna nei ve rawh u.

GENESIS 22:13b,14 — ...tichuan, Abrahama chuan berâmpa chu a va man a, chumi chu a fapa aiah hâlral thilhlanah chuan a hlân ta zâwk a. Tichuan, Abrahaman chumi hmun hmingah chuan Jehova-jire a vuah a; vawiin thlenga, “ Lalpa tlângah ngaihtuah a ni ang chu,” an tih ṭhin ang hian.