MATTHAIA 25:36 — Saruak ka nihin puan mi sintîr a; ka damlohvin mi kan a.

JOHANA 7:37-38 — “Tu pawh a tuihâl chuan ka hnênah lo kal sela, in rawh se. Tu pawh mi ring chu, Pathian Lehkha sawi angin, tui nung luite a pumah a lo luang chhuak ang,” a ti a.

KOLOSSA 4:6 — Mi tin engtia chhân ṭheuh tûr nge ni tih in hriat theih nân in ṭawngka chhuak chu chia al, khawngaihna tel ni fo rawh se.

ISAIA 40:11 — Ani chuan berâm vêngtu angin a berâm rual chu a châwm ang a, berâmnote chu a bânin a pawm khâwm ang a, a ângchhûnga dahin a kalpui ang a, no hruai laite chu zawi têin a hruai dial dial ang.

LUKA 14:8-10 — Lawi chaw ei tûrin tuin emaw a sâwm hunah che chuan, ṭhutphah ṭha berah ṭhu suh ang che; chuti lo chuan, i aia mi ṭha zâwk a lo sâwm hlauh ang a; An sâwm hunah che chuan, ṭhutphah ṭha lo berah ṭhu zâwk ang che; chutichuan, a sâwmtu che a lo kal hunah i hnênah, ‘ṭhiana, ṭhutphah ṭha deuhvah ṭhu rawh,’ a ti thei ang che. Chutichuan, i chaw kîlpuite mit hmuhah chuan chawimawiin i awm ang.