LUKA 1:38 — Tin, Marin “Ngai teh, Lalpa bawihnu ka ni, i thu ang zêlin ka chungah thleng rawh se,” a ti a. Tin, vântirhkoh chuan a kalsan ta a.

MATTHAIA 2:13 — Tin, an hâwn hnuin ngai teh, Lalpa vântirhkoh Josefa hnênah a mangah a inlâr a, “Tho la, nautê leh a nu hruai la, Aigupta ramah tlân bo rawh, ka hrilh leh hma loh che zawng chutah chuan awm reng ang che; Herodan nautê tiboral tûrin a zawng dâwn a ni,” a ti a.

LUKA 1:28 — Tin, vântirhkoh chu a hnênah a lût a, “Chibai, voh bîk! Lalpa i hnênah a awm,” a ti a.

MATTHAIA 2:17-18 — Chutih lai chuan zâwlnei Jeremian, “Rama khuaah thâwm an hria, Ṭap te, mitthi ngaia chiau vawng vawng te; Rakili chuan a fate a ṭah a, An awm tawh loh avângin a thlamuan theih loh,” tia a sawi kha a lo thleng ta.

GALATIA 4:4 — Nimahsela, a hun bi a lo kim khân fa nihna kan hmuh theih nân, Dân hnuaia awmte chu tlan tûrin Pathianin a Fapa, hmeichhe hrin, Dân hnuaia lo piangin a tîr chhuak ta a.