TIRHKOHTE 4:33 — Tin, tirhkohte chuan awihawm takin Lal Isua thawhleh thu an hriattîr ṭhîn a; an zaa chungah khawngaihna nasa tak a awm a.

2 KORINTH 4:16 — Chumi avângin kan dawl lo va; kan pâwn lam mihring hi lo awngrawp telh telh mah sela, kan chhûng lam mihring chu ni tin siam thar zêlin a awm zâwk a ni.

TIRHKOHTE 4:19-20 — Nimahsela, Petera leh Johanan an hnênah, “Pathian mit hmuhin Pathian thu zawm aiin nangni thu zawm a dik zâwk emaw chu, ngaihtuah rawh u. Keini zawng thil kan hmuh leh kan hriatte kha sawi lovin kan awm thei lo,” an ti a.

RUTHI 1:8 — Tin, Naomi chuan a mote pahnih hnênah chuan, “In nu in lam ve vea haw leh tûrin kal rawh u khai; mitthi chung leh ka chunga in tih ang hian Lalpa chuan in chungah ngilnei takin ti ve rawh se.

TIRHKOHTE 4:12-13 — Mi dang tu ma hnênah chhandamna a awm lo; vân hnuaia mihring sak zîngan, min chhandam tûr hming dang rêng a awm lo,” a ti a. Tin, Petera leh Johana huaizia chu an hmuhin, lehkha thiam lo leh mâwl tak an ni tih an hriatin mak an ti hle a; Isua hnênah an awm tawh tih an hre ta a.