JOHANA 4:9 — Chutichuan, Samari hmeichhia chuan a hnênah, “Nang Juda mi i ni a, kei Samari hmeichhia ka ni si a, engtizia nge ka hnêna in tûr mi dîl?” a ti a. (Juda-ten Samari mite chu engah mah an hmang ngai si lo.)

2 CHRONICLES 16:9 — A lama rilru dik tak putute chunga a chakzia tilang tûrin khawvêl zawng zawngah Lalpa mit chu a lêng ruai ruai ṭhîn a ni.

JOHANA 3:16 — Pathianin khawvêl a hmangaih êm êm a; chutichuan, a Fapa mal neih chhun a pe a, amah chu tu pawh a ring apiang an boral lohva, chatuana nunna an neih zâwk nân.

MATTHAIA 24:9-13 — Nimahsela, a tâwp thlenga tuar peih apiang, chu mi ngei chu chhandamin a awm ang.

JOHANA 3:5-7 — Isuan a chhâng a, "Tihtakmeuhvin, tihtakmeuhvin ka hrilh a che, mi tu pawh tuiah leh thlarauva an pian loh chuan Pathian ramah an lût thei lo vang. Tisaa piang apiang tisa a ni; Thlarauva piang apiang thlarau a ni. I piangthar tûr ka tih che hi mak ti suh."