SAM 100:1-2 — Ram zawng zawngte u, Lalpa chawimawiin hlim takin au rawh u. Lâwm chungin Lalpa rawng bâwl ula; Hla sa chungin a hmaah lo kal rawh u.

MATTHAIA 23:10-12 — ‘Hruaitute’ tihin awm hek suh u, in hruaitu chu pakhat chauh a ni, Krista chu. In zînga ropui ber chu in rawngbâwltuah a awm zâwk tûr a ni. Tu pawh inngaihlu apiang an tlâwm ang a, tu pawh inngaitlâwm apiang chawimawiin an awm ang.

MATTHAIA 6:16-18 — Chaw in nghei hun pawhin, mi vervêkte angin ngui hmêl pu suh u; anni zawngin mi mit hmuha chaw ngheia an lan theihna tûrin an hmêl an tipawr si ṭhîn a. Tihtakmeuhvin ka hrilh a che u, an lâwmman chu an hmu zo tawh. Nang erawh chuan chaw i nghei hunin sahriak thih la, i hmai phih rawh; chutichuan, i Pa a rûka awm mit hmuhah chauh lo chuan, mihring mit hmuhah chaw ngheiin i lang lo vang; tichuan, i Pa a rûka hmu ṭhîntu chuan a rûl ang che.

MATTHAIA 22:37-39 — Tin, ani chuan a hnênah, “‘Lalpa i Pathian chu i thinlung zawng zawngin, i thlarau zawng zawngin, i rilru zawng zawngin i hmangaih tûr a ni,’ tih hi. Chu chu thupêk ropui leh pawimawh ber a ni. Tin, a dawttu, a anpui chu hei hi a ni, ‘Nangmah i inhmangaih angin i vêngte pawh i hmangaih tûr a ni,’ tih hi.

2 CHRONICLES 20:2-3 — Chutichuan, tuten emaw Jehosaphata hnênah, “Nangmah bei tûrin mipui tam tak mai, tuifinriat râl Suria aṭangin an lo thawk chiam mai... tiin an hrilh a. Tin, Jehosaphata chuan a hlau va, Lalpa zawng tûrin a inpe a; Judai ram zawng zawngah chaw nghei tûr thu a than vêl a.