LUKA 19:33-38 — Tin, sabengtungno chu an phelh lai chuan a neituten an hnênah, “Sabengtungno kha engah nge in phelh?” an ti a. Tin, anni chuan, “Lalpan a duh a ni,” an ti a. Tichuan, Isua hnênah an rawn kai ta a; tin, sabengtungno chungah chuan an puante an phah a, a chungah Isua an chuantîr a. Tin, a kalna tûr kawngah chuan an puante an phah zêl a. Tin, an thlen dâwn hnaihin, Olive tlâng liam dâwnah chuan, zirtîr mipui zawng zawng chu a thil mak tih zawng zawng an hmuh avângin an lâwm a, aw ring takin, “Lalpa hminga Lal lo kal chu fakin awm rawh se, vânah rem thu lêng sela, chungnung berah khian ropuina awm rawh se!” tiin Pathian an fak ta a. Tin, an thlen dâwn hnaihin, Olive tlâng liam dâwnah chuan, zirtîr mipui zawng zawng chu a thil mak tih zawng zawng an hmuh avângin an lâwm a, aw ring takin, “Lalpa hminga Lal lo kal chu fakin awm rawh se, vânah rem thu lêng sela, chungnung berah khian ropuina awm rawh se!” tiin Pathian an fak ta a.

JOHANA 4:24 — Pathian chu Thlarau a ni; a chibai bûktuten thlarau leh tihtakzetin chibai an bûk tûr a ni,” a ti a.

MARKA 15:33-34 — Tin, chawfâk hun a lo nih chuan, behliang mun hun thlengin khawvêl a lo thim ta vek a. Tin, behliang mun hun lai chuan Isua chu aw ring takin, “Eloi, Eloi, lama sabakthani?” tiin a au chhuak a (chu chu “Ka Pathian, ka Pathian, engah nge mi kalsan?” tihna a ni).

MATTHAIA 7:12 — Chutichuan, thil engkim miin in chunga an tiha in duh tûr ang apiang chu, mi chungah pawh ti ve rawh u; chu chu dân thu leh zâwlneite thu a ni rêng si a.