MATTHAIA 6:9b — I hming zahawm rawh se.

RORELTUTE 16:17 — Tichuan, a rilru zawng zawng chu a hrilh ta vek a, a hnênah, “Ka luah hian bakmehna rêng rêng rawih a la ni ngai lo va; ka nu chhûla ka awm lai aṭanga Pathian tâna Nazarit mia lo awm ka ni a. Tûnah hian lo inmêt ta ila, ka chakna chu a bo vek mai ang; tichuan, ka chak lo vang a, mi dang ang mai bawk ka ni ang,” a ti a.

MATTHAIA 6:9 — Chutichuan, nangni chu hetiang hian ṭawngṭai rawh u: "Kan Pa, vâna mi, I hming zahawm rawh se..."

1 LALTE 11:1-2 — Solomona chuan Pharaoa fanu chang lo pawh hnam dang hmeichhe tam tak - Moab te, Amon te, Edom te, Sidon te, Hit-ho hmeichhiate a hmangaih a; chûng hnamho chungchâng thu chu Lalpan Israela thlahte hnênah, “Anmahni pâwl suh ula, anni pawhin pâwl che u suh se, an pathiante lamah in thinlung an hruai kawi ngei dâwn si a,” tiin a lo sawi tawh rêng a. Chûngho chu Solomona chuan hmangaihnain a vuan tlat a.

SAM 106:43-44 — Vawi tam tak anni chu a chhanhim a; Nimahsela, a remruatnaah chuan an hel ṭhîn a, An khawlohnaah chuan tihhniamin an awm ta a. Chuti chung pawhin ani chuan an au thâwm a hriat chuan, An mangang chu a ngaihsak a.