GALATIA 6:7-8 — Miin a theh apiang, chumi vêk chu a seng bawk dâwn si a; mahni tisa lama thehtu chuan tisaa mi chhiatna a seng ang a; Thlarau lama thehtu erawh chuan Thlarauva mi chatuana nunna a seng dâwn a ni.

TIRHKOHTE 20:35b — Thawk rim chung leh, Lalpa Isua thu hre reng chung chuan mi chak lote in ṭanpui tûr a ni; amah ngeiin, ‘Englo lâk aiin pêkin lukhâwng a nei zâwk,’ a tih kha,” a ti a.

JOHANA 1:15,17 — Johanan a thu a hriattîr a, a au va, “‘Ka hnunga mi zui tûr khân mi lehkhalh tawh a ni, ka hmaa awm tawh reng a nih avângin,’ tia a thu ka sawi kha amah hi a ni,” a ti a. Ani chu ka hnua lo kal tûr chu a ni a, a pheikhawk hrui phelh tlâk pawh ka ni lo ve,” a ti a, a chhâng a.

TIRHKOHTE 20:28 — Pathian kohhranho, ama thisena a leite chu châwm tûrin, nangmahni leh in hote zawng zawng chungah chuan fîmkhur rawh u, Thlarau Thianghlimin an chunga hotuah a siam che u hi.

SAM 150:1-6 — Lalpa chu fak rawh u. Pathian chu a hmun thianghlimah chuan fak ula; A thiltihtheihna boruak zau takah khian amah chu fak rawh u. A thiltih ropui takte avângin amah chu fak ula; A ropui nasatzia ang zelin amah chu fak rawh u.