THUFINGTE 3:5-8 — I thinlung zawng zawngin Lalpa ring la, Nangma hriatnaah innghat suh; I kawng zawng zawngah amah hre reng la, I kawngte chu a kawhhmuh zêl ang che. Mahni ngaihin intifing suh la; Lalpa chu ṭih la, sual kalsan rawh. I lai atân hrisêlna a ni ang a, I ruh atân thlîng a ni ang.

MATTHAIA 10:26-27 — Chutichuan, anmahni chu hlau suh ang che u; lang lo tûra thuhrûk eng mah a awm si lo, hriat loh tûra zêp pawh eng mah a awm hek lo. Thima ka hrilh che u hi êngah sawi ang che u; beng bula in hriat hi in chunga chuangin tlângaupui ang che u.

2 TIMOTHEA 4:9-10 — Rang takin ka hnênah lo kal hrâm rawh; Dema chuan tûnlai khawvêl hi a ngainat avângin mi kalsan a, Thessalonika khuaah a kal ta si a.

MATTHAIA 10:16-17 — Ngai teh u, chinghne zînga berâm awm angin ka tirh che u hi; chutichuan, rûl anga finga, ṭhuro anga pawikhawih lovin awm ang che u. Nimahsela, mihring lakah chuan fîmkhur rawh u; rorêltuhote an mantîr dâwn si che u a, inkhâwmna inahte an vua ang che u a.

LUKA 15:15-16 — Tichuan, chumi khaw lam mi, mi pakhat a va bêl a; chu mi chuan vâwk chaw pe tûrin a lo lamah a tîr a. Tin, englo kâwm vawkin an eite chuan intihpuar a duh êm êm a; tu mân eng mah an pe si lo.